لما تدوّر على خزان مويه بتلقى خزانات البلاستيك (البولي إيثيلين) في كل مكان. سعرها مغري ووزنها خفيف. لكن قبل ما تقرر خلنا نقارنها بالخزان الخرساني المسلح من النواحي اللي فعلًا تفرق معك.
1. العمر الافتراضي
الخزان الخرساني المسلح المصنوع بإشراف هندسي والمعزول صح يعيش سنين طويلة جدًا. وخزاناتنا عليها ضمان 10 سنوات. خزان البلاستيك عمره أقصر خصوصًا لو كان مكشوف للشمس.
2. حرارة المويه في الصيف
جدران البلاستيك رقيقة والمويه فيها تسخن بسرعة تحت شمس المملكة. أما جدران الخرسانة السميكة فتعزل الحرارة والمويه تبقى أبرد بكثير خصوصًا لو كان الخزان أرضي.
3. السعة
خزانات البلاستيك غالبًا بسعات صغيرة ولو تبي سعة كبيرة تحتاج تركب كذا خزان. الخزان الخرساني الواحد عندنا يوصل 29 متر مكعب يعني 29 ألف لتر.
4. القوة والتحمل
الخرسانة المسلحة تتحمل ضغط التربة والأحمال والصدمات. البلاستيك ممكن يتشوه أو ينكسر مع الضغط أو الصدمات وما يصلح تحت الأرض بدون تجهيزات خاصة.
5. التكلفة الحقيقية
البلاستيك أرخص في البداية بس لو حسبت عمره القصير والحاجة لأكثر من خزان للسعات الكبيرة وتكلفة التغيير بعد كم سنة بتلاقي إن الخرساني أوفر على المدى البعيد. قارن بنفسك في أسعار الخزانات الخرسانية.
الخلاصة
| المقارنة | خرساني مسلح | بلاستيك |
|---|---|---|
| العمر | طويل جدًا | أقصر |
| حرارة المويه بالصيف | أبرد | تسخن بسرعة |
| السعة للخزان الواحد | لين 29 م³ | صغيرة غالبًا |
| تحت الأرض | يصلح مع العزل | محدود |
| تأثير الشمس | ما يتأثر | يتأثر مع الوقت |
| السعر المبدئي | أعلى | أرخص |
لو تبي خزان يعيش معك ويحفظ المويه باردة بسعة كبيرة فالخرساني هو الخيار. وتقدر تقارن كمان بين الخرساني والفايبر جلاس.